Поиск

Свежие комментарии

На развитие сайта:

Купить книгу Русь моя православная

Реклама: Доктор Займо


« | Главная | »

Молитва о немощном и не спящем младенце

Автор: Valentina | 12 Янв 2016

Поделись в соцсетях:


Молитва о немощном и не спящем младенце

ПОЯСНЕНИЕ: если ваши детки плохо спят, пробуйте читать каждый день эту  молитву за них:

Боже великий, хвальный, непостижимый и неисповедимый,
создавый человека рукою Твоею, персть взем от земли, и образом Твоим почтивый его,
Иисусе Христе, прележаемое Имя, со безначальным Твоим Отцем и с Пресвятым,
и благим, и животворящим Твоим  Духом, явися в рабе Твоем (имя) и посети его душею и телом,
умоляем от Преславныя Владычицы нашея Богородицы и Приснодевы Марии,
святых небесных Сил бесплотных, честнага славнаго пророка, предтечи и крестителя Иоанна, святых,
славных и всехвальных апостолов, иже во святых отец наших и вселенских великих учителей:
Василия Великаго, Григория Богослова, Иоанна Златоустаго, Афанасия и Кирилла,
Николая, яже в Мирех, Спиридона Чудотворца, и всех святых священноначальников:
святаго первомученика и архидиакона Стефана, святых славных и великомучеников Георгия Победоносца,
Димитрия Мироточца, Феодора Стратилата и всех святых мучеников,
преподобных и богоносных отец наших Антония, Евфимия, Саввы Освященнаго,
Феодосия общаго жития начальника, Онуфрия, Арсения, Афанасия Афонскаго и всех преподобных,
святых исцелителей, безсребников Космы и Дамиана, Кира и Иоанна, Пантелеимона и Ермолая,
Сампсона и Диомида, Фалалея и Трифона и прочих,
святаго (имя святого, которого носит ваш ребенок) и всех Твоих святых.
И даждь ему сон упокоения, сон телесный здравия, и спасения, и живота,
и крепость душевную и телесную: якоже посетил еси иногда Авимелеха  угодника Твоего,
во храме Агриппове, и дал еси ему сон утешения, еже не видети падения Иерусалима,
и сего успивый сном питательным, и паки сего воскресивый во едином мгновении времене,
в славу Твоея благости.Но и святыя Твоя славныя седьм отроки,
исповедники и свидетели Твоего явления показавый, во дни Декия царя и отступника:
и сия успивый в вертепе на лета многи, яко младенцы согреваемыя в ложеснах матери своея,
и никакоже претерпевшия тления, в похвалу и славу человеколюбия Твоего,
и в показание и извщение нашего пакибытия и воскресения всех.
Сам убо, Человеколюбче Царю, предстани и ныне наитием Святаго Твоего Духа,
и посети раба Твоего (имя) и даруй ему здравие , крепость и благомощие,
Твоею благостию, яко от Тебе есть всяко даяние  благо и всяк дар совершен.
Ты бо еси врач душ и телес наших, и Тебе славу возсылаем,
со безначальным Твоим Отцем, и с Пресвятым, и Благим, и Животворящим Твоим Духом, ныне и присно и во веки веков, аминь.

Темы: Молитвы на все случаи жизни на современном языке | Ваш отзыв »

Отзывы