Поиск

На развитие сайта:

Купить книгу Русь моя православная

Реклама: Доктор Займо


« | Главная | »

ПСАЛМЫ ИЗ ПСАЛТИРИ

Автор: Valentina | 21 Ноя 2013

Поделись в соцсетях:


ПСАЛМЫ ИЗ ПСАЛТИРИ

В конец, сынов Кореоновых, в разум, псалом, 43.
ЧТОБЫ БОГ ЯВИЛ ИСТИНУ В ПОДОЗРЕВАЕМЫХ СУПРУГАХ, И ВЗАИМНОЙ ЛЮБВИ.
Боже, ушима нашима услышахом, и отцы наша возвестиша нам дело еже соделах еси во днех их, во днех древних. Рука Твоя языки потреби, и насадил я еси: озлобил еси люди и изгнал еси я. Не бо мечем своим наследиша землю, и мышца Твоя, и просвещение лица Твоего, яко благоволил еси в них. Ты еси Сам Царь мой и Бог мой, заповедаяй спасения Иаковля. О Тебе враги нашя избоем роги, и о имени Твоем уничижим востающыя на ны. Не на лук бо мой уповаю, и меч свой не спасет мене: спасл бо еси нас от стужающих нам, и ненавидящих нас посрамил еси. О Бозе похвалимся весь день и о имени Твоем исповемыся во век, ныне же отринул еси и посрамил еси нас, и не взыдеши, Боже, в силах наших. Возвратил еси нас вспять при вразех наших, и ненавидящии нас расхищаху себе. Дал еси нас яко овцы, снеди, и во языцех разсеял ны еси. Отдал еси люди Твоя без цены, и не бе множество в ввосклицании наших. Положил еси нас поношение соседом нашым, подражнение и поругание сущым окрест нас. Положил еси нас в притчу во языцех, покиванию главы в людех. Весь день срам мой предо мною есть, и студ лица моего покры мя от гласа поношающаго и оклеветающаго, от лица вражия и изгоняющаго. Сия вся приидоша на ны, и не забыхом Тебе, и неправдовахом в завете Твоем. И не отступи вспять сердце наше: и уклонил еси стези наща от пути Твоего. Яко смирил еси нас на месте озлобления, и прикры ны сень смертная. Аще забыхом имя Бога нашего и аще воздехом руки нашя к  богу чуждему. Не Бог ли взыщет сих? Той бо весть тайная сердца. Зане Тебе ради умерщвляемся весь день, вменихомся яко овцы заколения. Восстани, всякую спиши, Господи? Воскресни и не отрини до конца. Вскую лице Твое отвращаеши; забываеши нищету нашу и скорбь нашу? Яко смирися в персть душа наша, прильпе земли утроба наша. Воскресни, Господи, помози нам и избави нас имени ради твоего.


В конец, о изменяемых сыном Кореовым, в разум, песнь о возлюбленном, 44.


О ЛЮДЯХ, СТРАДАЮЩИХ СЕРДЦЕМ И ПОЧКАМИ.
     Отрыгну сердце мое слово благо, глаголю аз дела моя Цареви: язык мой трость книжника скорописца. Красен добротою паче  сынов человеческих, излияся благодать во устнах Твоих. Сего ради благослови Тя Бог во век. Препояши мечь твой по бедре Твоей. Сильне, красотою Твоею и добротою Твоею: и наляцы, и успевай, и царствуй истины ради и кротости, и правды: и наставит Тя дивно десница Твоя. Стрелы твоя изощрены, Сильне: людие под Тобою падут в сердце враг Царевых. Престол Твой, Боже, в век века: жезл правости, жезл царствия Твоего.  Возлюбил еси правду и возненавидел еси беззаконие: сего ради помаза Тя, Боже, Бог Твой елеем радости, паче причастник Твоих. Смирна и касиа от риз Твоих, от тяжестей слоновых, из них же возвеселиша Тя. Дщери царей в чести Твоей: предста Царица одесную тебе, в ризах позлащенных одеяна преиспещрена. Слыши , Дщи. и виждь. и приклони ухо твое, и забуди люди Твоя, и дом отца Твоего: и возжелает Царь доброты Твоея, зане Той есть Господь Твой и поклонишися Ему, и дщи  Тирова с дары: лицу твоему помолятся богатии людстии. Вся слава Дщере  Царевы внутрь: рясны златыми одеяна и преиспещрена. Приведутся Царю девы вслед Ея, искренния Ея приведутся Тебе: приведутся Тебе: приведутся в веселии и радовании, введутся в храм Царев. И вместо отец Твоих быша сынове Твои: поставиши я князи по всей земли. Помяну имя Твое во всяком роде и роде: сего ради людие исповедятся Тебе в век и во век века.


    В конец, о Маелефе, разума Давиду, 52.


ЧТОБЫ БОГ БЛАГОСЛОВИЛ СЕТИ И ЛОВИЛАСЬ РЫБА
     Рече безумен в сердцы своем: несть Бог, растлеша и омерзишася в беззакониих, несть творяй благое. Бог с Небеси приниче на сыны человеческия, видети, аще есть разумеваяй или взыскаяй Бога. Вси уклонишася, вкупе непотребни быша: несть творяй благое, несть до единага. Ни ли уразумеют вси делающие беззаконие, снедающии люди моя в снедь хлеба? Господа не призваша. Тамо устрашишася страха, идеже не бе страх: яко Бог разсыпа кости человекоугодников: постыдешася, яко Бог уничижи их. Кто даст от Сиона спасение Израилево? внегда возвратит Бог пленение людий Своих, возрадуется Иаков и возвеселится Израиль.


Темы: Важное | Ваш отзыв »

Комментарии закрыты.