Поиск

На развитие сайта:

Купить книгу Русь моя православная

Реклама: Доктор Займо


« | Главная | »

ПСАЛМЫ ИЗ ПСАЛТИРИ 3

Автор: Valentina | 24 Ноя 2013

Поделись в соцсетях:


В конец, да не растлиши, Давиду в столпописание, внегда посла Саул, и стреже дом его, еже умертвити его, 58.

О НЕМЫХ, ЧТОБЫ БОГ ДАЛ ИМ РЕЧЬ

Изми мя от враг моих, Боже и от востающих на мя избави мя: избави мя от делающих беззаконие и от муж кровей спаси мя. Яко се уловиша душу мою, нападоша на мя крепцыи: ниже беззаконие мое, ниже грех мой, Господи: без беззакония текох и исправих: востани в сретение мое и виждь. И Ты Господи Боже сил, Боже Израилев, вонми посети  вся языки: да не ущедриши вся делающыя беззаконие. Возвратятся на вечер и взалчут, яко пес, и обыдут град. Се тии отвещают усты своими и меч во устнах их: яко кто слыша? И Ты, Господи, посмеешися им, уничижиши вся языки. Державу мою к Тебе сохраню: яко Ты, Боже, заступник мой еси. Бог мой, милость Его предварит мя: Бог мой явит мне на вразех моих. Не убий их, да некогда забудут закон Твой: расточи я силою Твоею и низведи я, Защитниче мой, Господи. Грех уст их, слово устен их: и яти да дадут в гордыни своей, и от клятвы и лжи возвестятся в кончине, во гневе кончины, и не будут: и уведят, яко Бог Владычествует Иаковом и концы земли. Возвратятся на вечер, и взалчут, яко пес, и обыдут град: тии разыдутся ясти: аще ли же не насытятся, и поропщут. Аз же воспою силу Твою и возрадуются заутра о милости Твоей: яко был еси заступник мой и прибежище мое в день скорби моея. Помощник мой еси, Тебе пою: яко Бог заступник мой еси, Боже мой, милость моя.


 

В конец, о Идифуме, псалом Асафу, 76.

КОГДА НЕТ ВЗАИМОПОНИМАНИЯ МЕЖДУ РОДИТЕЛЯМИ И ДЕТЬМИ, ДАБЫ ПРОСВЕТИЛ ИХ БОГ, ДА СЛУШАЮТ ДЕТИ РОДИТЕЛЕЙ  И РОДИТЕЛИ ПРОЯВЯТ ЛЮБОВЬ.

Гласом моим ко Господу воззвах, гласом моим к Богу, и внят ми. В день скорби моея Бога взысках рукама моима, нощию пред ним, и не прельщен бых. Отвержеся утешитися душа моя. Помянух Бога и возвеселихся, поглумляхся и малодушствоваше дух мой. Предваристе стражбы очи мои: смятохся и не глаголах. Помыслих дни первыя, и лета вечная помянух, и поучахся: нощию сердцем моим глумляхся и тужаще дух мой: еда во веки отринет Господь, и не приложит благоволити паки? или до конца милость свою отсечет, сконча глагол от рода в род? Еда забудет ущедрити Бог? Или  удержит во гневе Своем щедроты Своя? И рех, ныне начах: сия измена десницы Вышняго. Помянух дела Господня: яко помяну от начала чудеса Твоя, и поучуся во всех делех Твоих, и в начинаниих Твоих поглумлюся. Боже, во святем путь Твой: кто Бог велий, яко Бог наш? Ты еси Бог творяй чудеса: сказал еси в людех силу Твою, избавил еси мышцею Твоею люди Твоя,  сыны Иаковли и Иосифовы. Видеша Тя воды, Боже, видеша Тя воды и убояшася: смятошася бездны, множества шума вод, глас даша облацы, ибо стрелы Твоя преходят. Глас грома Твоего в колеси, осветиша молния твоя Вселенную: подвижеся и трепетна бысть земля. В море путие Твои, и стези Твоя в водах многих, и следы Твои не познаются. Наставил еси яко овцы люди Твоя рукою Моисеовою и Ааронею.

СЛАВА:

По 10-й кафисме, Трисвятое.

Таже тропари, глас 6:  Страшнага дне пришествия твоего ужасаюся, Христе, и неумытнага судилища бояйся Господи, ужасаюся и трепещю, яко имый множество согрешений: но прежде конца, яко милостив Бог, обрати и спаси мя, Спасе мой, Многомилостиве.

Слава: Егда престоли на суд поставятся, Господи, и судилищу Твоему предстанут человецы: не предпочтется царь воина, не преимуществит владыка раба: кийждо бо от своих дел, или  прославится, или постыдится.

И ныне: Великих дарований, Чистая Дево Богомати, Ты сподобилася еси: яко родила еси плотию Единага от Троицы, Христа Жизнодавца, во спасение душ наших.

ГОСПОДИ, ПОМИЛУЙ (40 РАЗ). И МОЛИТВА.

Господи Боже наш, в милости Богатый и  в щедротах Непостижимый, Едине по естеству Безгрешен, и нас ради кроме греха быв Человек: услыши в час сей болезненное мое сие моление, яко нищ и убог есмь о  дел благих, и сердце мое смятеся внутрь мене: Ты бо веси, Вышний Царю, Господи небесе и земли, яко всю мою юность во гресех иждих: и в след похотей плоти моея ходив, весь смех демоном бых, весь дьяволу последовах, выну в тимении сластей валяяйся: омрачився бо помышлением от младенства. даже и до ныне, никогда же восхотех вотворити волю Твою святую: но весь от наветующих мя страстей пленився, смех и поругание демоном бых, никакоже во уме помышляяй, яко нестерпимый гнев еже на грешники прещения Твоего, и лежащую геенну огненную. Якоже отвсюду во отчаяние впадый, и никакоже в чувстве обращения быв,  пуст и наг еже от Твоея дружбы бых. Кий бо вид греха не соделах? Кое дело демонское не содеях? кое деяние студное и блудное не с преимуществом и тщанием соверших? Ум воспоминаньми плотскими оскверних: тело смешеньми окалях, дух сосложением оскверних: всяк уд окаянныя моея плоти служити и работати грехом возлюбих. И кто прочее не возрыдает мя, оканнага? кто не восплачет мя, осужденнаго. Аз бо един, Владыко, ярость Твою прогневах: аз един гнев Твой на мя разжегох, аз един лукавое пред Тобою сотворих, превозшет и препобедив вся от века грешники, несравненно погрешивый, и непрощенно. Но понеже Многомилостивый, Благоутробный еси, Человеколюбче и ожидаеши человеческага обращения: се и аз ввергаю себе пред страшное и нестерпимое Твое судище, и якоже пречистым Твоим ногам касаяйся, из глубины души взываю Ти: очисти, Господи, прости, Благоприменителю, помилуй немощь мою, преклонися недоумению моему, вонми молению моему и слез моих не премолчи. Приими мя, кающагося, и заблуждшага обрати, обращающагося обьими  и молящагося прости. Не бо положил еси покаяние праведным, не положил еси прощения несогрешающым: но положил еси покаяние мне, грешному, в них же в негодование Твое содеях: наг и обнажен пред Тобою предстою, Сердцеведче Господи, исповедаяй моя грехи: не бо могу воззрети и видети высоту Небесную, от тяжести грехов моих сляцаем. Просвети убо очи сердца моего, и даждь ми умиление к покаянию, и сокрушение сердца ко исправлению: да со благою надеждою и истинным уверением к тамошнему мира пойду, хваля и благословя выну всесвятое имя Твое, Отца и Сына, и Святаго Духа, ныне и присно, и во веки веков, аминь.

МОЛИТВА КО ПРЕСВЯТОЙ БОГОРОДИЦЕ

Заступнице усердная, Мати Господа Вышняго! Призри ныне с высоты святыя Твоея на раб Божиих (имена) и покажи на них чудныя милости твоя: (просьба), и избави их от всякии  скорби, настави на путь всякия добродетели и благостыни, спаси от искушений,бед и болезней. Не имамы бо ни иные помощи, ни инога предстательства, ни утешения, токмо Тебе, о Мати всех скорбящих и напутствуемых. Ты по Бозе наша надеждо и заступнице, и на тя уповающе, сами себе и друг друга, и всю жизнь нашу Тебе предаем во веки веков.

 

Темы: Важное | Ваш отзыв »

Комментарии закрыты.