Дорогие читатели моего сайта

Хочу вам предложить несколько псалмов из Псалтири, которые помогают в разных житейских ситуациях. Читайте их по возможности и пусть вам помогает Господь.

ЧТОБЫ ОСВОБОДИЛ БОГ ЧЕЛОВЕКА ОТ ЧАР.

В конец, в песнех о осмом, псалом Давиду, 6.

Господи, да не яростию Твоею обличиши мене, ниже гневом Твоим накажеши мене. Помилуй мя, Господи, яко немощен есмь, исцели мя, Господи, яко смятошася кости моя и душа моя смятеся зело: и Ты, Господи, доколе? Обратися, Господи, избави душу мою: спаси мя ради милости Твоея. Яко несть в смерти поминаяй Тебе: во аде же кто исповестся тебе? Утрудихся воздыханием моим, измыю на всяку нощь ложе мое, слезами моими постелю мою омочу. Смятеся от ярости око мое, обетшах во всех вразех моих. Отступите от мене, вси делающии беззаконие, яко услыша Господь глас плача моего: услыша Господь моление мое, Господь молитву мою прият. Да постыдятся и смятутся вси врази мои, да возвратятся и устыдятся зело вскоре.

В конец, псалом Давиду,12.

О ТЕХ, КТО БОЛЕЕ ПЕЧЕНЬЮ.

Доколе, Господи, забудеши мя до конца? Доколе отвращаеши лице Твое от мене? Доколе положу советы в души моей, болезни в сердцы моем день и нощь? Доколе вознесется враг мой на мя? Призри, услыша мя, Господи Боже мой, просвети очи мои, да некогда усну в смерть, да некогда речет враг мой: укрепихся на него. Стужающии ми возрадуются, аще подвижуся. Аз же на милость Твою уповах. Возрадуется сердце мое о спасении Твоем: Воспою, Господеви, благодеявшему мне, пою имени Господа Вышняго

Псалом Давиду, 22.

ОБ УСМИРЕНИИ БЕЗЧИННЫХ И НЕПОСЛУШНЫХ ДЕТЕЙ, ОСКОРБЛЯЮЩИХ РОДИТЕЛЕЙ.

Господь пасет мя, и ничтоже мя лишит. На месте злачне, тамо всели мя, на воде покойне воспита мя. душу мою обрати, настави мя на стези правды, имени ради Своего. Аще бо и пойду посреде сени смертныя, не убоюся зла, яко Ты со мною еси: жезл Твой и Палица Твоя, та мя утешиста. Уготовал еси предо мною трапезу сопротив стужающым мне: умастил еси елеом главу мою, и чаша Твоя упоявающи мя, яко державна. И милость Твоя поженет мя вся дни живота моего, и еже вселитимися в дом Господень, в долготу дний.

В конец, Идифуму, песнь Давиду, 38.

ЧТОБЫ НАЙТИ РАБОТУ БРОШЕННЫМ И НЕСЧАСТНЫМ ЛЮДЯМ, ДА НЕ СКОРБЯТ.

Рех: сохраню пути моя, еже не согрешати ми языком моим: положих устом моим хранило,внегда востати грешному предо мною. Онемех и смирихся, и умолчах от благ, и болезнь моя обновися. Согреяся сердце мое во мне, и в поучении моем разгорится огнь: глаголах языком моим: скажи ми, Господи, кончину мою и число дний моих, кое есть? Да разумею, что лишаюся аз? Се пяди положил еси дни моя, и состав мой яко ничтоже пред Тобою: обаче всяческая суета всяк человек живый. Убо образом ходит человек, обаче всуе мятется: сокровищствует и не весть, кому соберея я. И ныне кто терпение мое; не Господь ли? И состав мой от Тебе есть. От всех беззаконий соих избави мя: поношение безумному дал мя еси. Онемех и не отверзох уст моих, яко Ты сотворил еси. Остави от мене раны Твоя: от крепости бо руки Твоея аз изчезох. Во обличении о беззаконии наказал еси человека и истаял еси, яко паучину, душу его: обаче всуе всяк человек. Услыши молитву мою, Господи, и моление мое внуши, слез моих не премолчи: яко преселник аз есмь у Тебе и пришлец, якоже вси отцы мои. Ослаби ми, да почию, прежде даже не отьиду, и ктому не буду.